The Night Market (ELEMENTS圓方) (已結業)

去圓方睇戲，睇戲之前搵間餐廳食個快lunch，最後揀咗The Night Market ，見到個Menu應該就係食台灣嘢，好似都幾吸引，價錢又唔係好貴，而且好多人食呢間餐廳，應該都安全。我哋叫咗一客金牌小籠包、蒜泥白肉、糖心蛋魯肉拌麵同埋寒天梅子綠茶。金牌小籠包 - 估唔到咁出色！因為間舖頭唔似一間專食小籠包嘅舖頭，所以都諗住啲小籠包會普普通通，點知唔係，小籠包除咗皮薄爆汁之外，佢嘅肉先至係我最想讚嘅一點，出面食嘅小籠包裏面嘅肉通常都係比較散又或者比較林，呢度嘅小籠包好有彈性，而且係幾實淨，好少食到依種肉嘅質地，感覺佢嘅肉係新鮮得來唔似用攪拌機攪，所以下次一定會再叫，而且仲會叫埋另一隻味道嚟試試👍🏻蒜泥白肉 - 醬汁夠濃味，白肉下面鋪咗青瓜墊底，肉切得比較厚，可能因為厚嘅關係所以有啲鞋，我覺得佢唔好食。（唔記得影相）糖心蛋魯肉拌麵 - 呢碗麵有啲失望，糖心蛋都叫做發揮到正常水準，面本身唔夠乾身，就算撈埋魯肉醬一齊食，味道都係偏淡，我覺得佢做得唔好。寒天梅子綠茶 - 呢杯飲品好甜，我後來要加水先可以飲😅（唔記得影相）值得一讚嘅係依度嘅服務員，態度好好，其中仲有一位叔叔非常勤奮，通常啲餐廳