金牌小龍 (已結業)

平時都中意黎isquare 睇戲同食野，今次又黎左食晚餐，要食飽先去睇戲。金牌小籠包 $42/5隻黎到最想食都係小籠包，真係好味！皮薄但唔易穿，咬一個小孔吸晒湯汁，然後點少量醋，係我一貫既食法。肉鮮所以湯汁鮮甜，正！雞絲粉皮 $38一道涼伴菜式，天氣咁熱更岩食。胡麻醬配爽口粉皮真係好夾。糖醋排骨 $72係一道經典又開胃小炒，酸酸甜甜，送飯都一流！瑤柱菜粒蛋炒飯 $68炒飯每粒都炒至乾身，瑤柱好香，有水準，而且價錢都幾抵。