翡翠拉麵小籠包 (已結業)

9點左右去到都仲要等位，四個人等左大約20分鐘，可能中秋節前夕多人岀街食飯做節。第一碟上既係醉豬手，未放落口就已經聞到好香酒味，食落口都幾夾爽口冇毛，係略嫌冇乜肉。因為太肚餓食左一兩舊先記得影。第二碟上既排骨拉麵，拉麵我就冇試剩係食左一舊排骨。就咁睇舊排骨都炸得幾靚但食落就完全唔得囉。雖然舊肉係好淋唔鞋但食得岀舊排骨拿得好勁一陣味，完全唔好食。第三碟上既就係小籠包，一上枱就即刻夾黎食，皮薄餡靚，入面d肉岩岩好又唔肥又唔鞋肉汁香甜，係略嫌唔夠多汁。今次又係掛住食，食左一個先記得影。第四碟上既係賽螃蟹，賣相都ok但味道麻麻唔好食。第五碟上既係酸辣湯拉麵，聞落已經好香，食落口都好好味，夠酸又夠辣。如果食唔到辣既人就可能會覺得太辣，而我就覺得岩岩好。掛住食食完先發覺唔記得影相。第六碟上既係獅子頭，又係唔記得影相。個獅子頭整得唔好食，咬落口d肉碎濕濕好散咁，個菜空口食咸左少少。