影片
更多
2022-10-15
253 瀏覽
小編係一個牛肉愛好者呢間餐廳都有唔少飲食界嘅kol介紹過，一直都想黎一試究竟，感受下俾人服侍嘅感覺（專人幫你燒，席前烹調）呢度位置唔算偏遠，都易搵！環境都唔好，最緊要係座位夠闊落！入正題！黎呢到一定要食和牛，唔知揀咩組合都唔緊要，店員都會好詳細咁為你介紹！當晚揀左一份A5同A4套餐，牛肉各3大塊，包左一份4小碟前菜，同蔬菜拼盤及甜品！前菜-比起大半年前嘅出品，跟某幾段youtube片比較，明顯 失色好多，份量同用料選擇都有下降嘅情況！冇生蠔…變左特大唔鮮甜嘅帶子刺身；蕃茄漬物變左普通一粒茄兼且一開四…嗯！冇乜特別令人好開胃嘅感覺！仲有海蜇…爽口嘅招牌牛肉他他，怕生嘅可以叫廚房煮熟的，煮熟完會有驚喜，變左蛋炒飯嘅感覺！食牛肉點少得叫埋美酒襯托！梅酒酸甜開胃夠醒神🤣好啦！黎到重點嘅牛肉壽喜燒🥰A4同A5級別嘅和牛西冷，真係睇見都流晒口水！呢到嘅開鑊方式係只用牛脂同少少醬油，呢種關西風煮法，簡簡單單煎香，咁樣可以食到多啲牛肉本身嘅味道同焦香感，店員落鑊之前會先詢問你期望嘅生熟程度，亦建議第一塊牛就先點生蛋液進食，一啖牛肉一啖日本米飯，簡直係一絕！而第二塊，可以根據個人嘅喜好，用少少青檸，又或
呢間餐廳都有唔少飲食界嘅kol介紹過，一直都想黎一試究竟，感受下俾人服侍嘅感覺（專人幫你燒，席前烹調）
呢度位置唔算偏遠，都易搵！
環境都唔好，最緊要係座位夠闊落！
入正題！
黎呢到一定要食和牛，唔知揀咩組合都唔緊要，店員都會好詳細咁為你介紹！
當晚揀左一份A5同A4套餐，牛肉各3大塊，包左一份4小碟前菜，同蔬菜拼盤及甜品！
前菜-比起大半年前嘅出品，跟某幾段youtube片比較，明顯 失色好多，份量同用料選擇都有下降嘅情況！冇生蠔…變左特大唔鮮甜嘅帶子刺身；蕃茄漬物變左普通一粒茄兼且一開四…嗯！冇乜特別令人好開胃嘅感覺！仲有海蜇…爽口嘅
招牌牛肉他他，怕生嘅可以叫廚房煮熟的，煮熟完會有驚喜，變左蛋炒飯嘅感覺！
食牛肉點少得叫埋美酒襯托！
梅酒酸甜開胃夠醒神🤣
好啦！黎到重點嘅牛肉壽喜燒🥰
A4同A5級別嘅和牛西冷，真係睇見都流晒口水！
呢到嘅開鑊方式係只用牛脂同少少醬油，呢種關西風煮法，簡簡單單煎香，咁樣可以食到多啲牛肉本身嘅味道同焦香感，店員落鑊之前會先詢問你期望嘅生熟程度，亦建議第一塊牛就先點生蛋液進食，一啖牛肉一啖日本米飯，簡直係一絕！
而第二塊，可以根據個人嘅喜好，用少少青檸，又或者用其他特別少少嘅七味粉（柚子、黑七味、山椒）作調味，本身高質食材帶來嘅口感同味道之外，再添上多幾種味道上嘅變化！一個字！正！
連續品嘗左兩大片西冷，可以俾個嘴同胃抖抖先！呢個環節，一個比較傾向於關東風嘅食法！店員會先將蔬菜落鑊加上醬油，慢慢烹調滾一滾先～到啲比較難熟少少嘅菜類都差唔多嘅時間，再鋪上今餐最後一片西冷🥰，咁樣煮出黎嘅牛肉，口感會更加水嫩，一樣輕易咁咬好!
總結返今餐，撇除前菜方面，呢度可以一次過食到關西&關東風嘅壽喜燒體驗，係幾唔錯嘅！
除左食物質素之外，用餐體驗都好重要架😁✌️
SUKIYAKIYA (灣仔)
灣仔港灣道30號新鴻基中心2樓2A-1鋪
張貼
