仙跡岩 (至秀商業大廈)

營業中

休息中

今日嚟到佐敦一間小編細個成日會去食嘅餐廳。當然我以前就唔係嚟佐敦咁遠，記得以前元朗有個商場叫新元朗中心入面都有一間仙跡岩，久唔久就會同屋企人去食個多士飲杯珍珠奶茶。嗰時候嘅台式手搖飲品仲未好盛行，珍珠奶茶對我哋嚟講係一個甜品級嘅存在。➡️豬頸肉滷肉飯$55 必須講第一眼睇落去佢係幾大碗，份量都充足，覺得係幾抵食嘅。不過佢嘅外觀就唔算好吸引，有啲似小編以前中學會食嘅學生餐…🤣滷肉嘅味道偏甜，冇乜滷水嘅香料味，而且佢嘅滷肉偏乾瘦。豬頸肉調味都係差唔多，不過好奇怪嘅係豬頸肉非常之淋，冇乜爽口彈性嘅感覺，非常奇怪，最後都講一講飯底偏濕同爛，小編唔多喜歡。味道🐽🐽➡️大塊雞（半份）（+$19）佢都係用台式嘅炸法，食落都幾脆口，不過中間嘅雞肉就比較薄，而且佢嘅調味粉唔夠均勻，有時有一大炸，有時有完全冇味。😟味道🐽🐽🐽➡️雙拼吐司 $24望落去佢係比以前細份左（定個人大份咗？😅），而且有一個幾嚴重嘅問題，就係我哋叫咗兩份，第一份明顯烘得唔夠，可能係焗爐未預熱好嘅關係，所以第一份唔似多士，只係一個厚方包，第二份烘嘅程度就明顯好好多！☹️至於味道，我哋試咗花生、椰香、蜜糖同草莓醬。花生蜜糖同草莓味道都正正常常。