澳瑪葡國菜 (已結業)

商場少有葡國菜也有點懷念澳門嘅葡國菜，好奇去試下。叫咗豬耳沙律，味道算唔錯，但只得豬耳同好似係洋葱嘅菜，有D單調，豬耳亦烤得唔夠，唔夠爽同唔夠香。海鮮燴飯味道好plain，有D水汪汪，只有淡淡嘅番茄湯底味，亦只得虾同蜆，兜飯好細，味道有 spaphetti house feel 但收170蚊。最失望嘅係個烤乳猪，250蚊得一小塊豬肉，而且過厚，皮好脆但裡面有厚嘅肉只有咸味，冇香味。服務很一般，order 咗半個鐘先有嘢嚟，追咗次個waitress就唔耐煩。總體來說菜都做得粗，味道唔細经緻，一般貨色。