雙城吧 (已結業)

已經係第五次黎雙城吧食晚餐，其實人流都幾多，建議提早book定位會比較好！入去嘅時候，侍應會再問清楚你到底係黎飲嘢定睇嚟食晚餐，然後分開兩個地方咁帶位，以便照顧唔同嘅客人！有波睇嘅晚上，呢度唔會尤其熱鬧！加上唔少航空公司都會選擇喺呢度落腳，所以成日都會見到好多機司、空姐、空少係入邊飲嘢！今次係同朋友食生日飯，兩個女仔就唔嗌咁多嘢食，分享住食傾下計為主。小食方面叫咗墨西哥辣肉粟米片，其實餐廳入邊你會見到每一台枱面都會有一碟，基本上係必叫，即叫即整熱辣辣！不過略嫌淋係上邊嘅醬汁分布冇咁平均，有啲粟米片成塊都係芝士，有啲粟米片就乜都冇其中最正既係入邊既牛油果醬！混合住牛油果醬咁樣食清新好多，我哋驚唔夠仲特登問侍應要多少少，佢哋都非常大方咁俾咗一大碗我哋自己占黎食主食方面，必叫豬肋骨，每條豬肋骨都係入口即刻離骨，肉質非常嫩滑！而薯格量又多，又大大塊！邪惡滿分，滿足感爆燈！驚食落去太漏，仲可以配隔離嘅菠蘿醬或者椰菜沙拉，酸酸甜甜好醒胃！甜品方面我哋帶咗個Apple crumble充當生日蛋糕，侍應知道我哋有人生日，仲特登整咗個朱古力牌，非常有心思！上層的曲奇非常鬆化香脆而且甜度適中，反而係底下嘅