太元樓

營業中

休息中

之前有去開北角聚會，今次繼續去太元樓，飲茶食點心。坐落睇見點心紙都幾多花款，好多選擇，滿足到唔同口味。先黎冷盤花雕醉雞，完全唔油膩，酒好入味，爽口開胃。小籠包雖然皮薄，但蒸得恰好唔爛，夾起都唔會穿，肉汁夠多，唔錯！酸辣湯，調味好夠，酸辣適宜，符合口味。金粒豆腐外脆內軟，薄薄一層脆皮，再加上椒鹽，同入面軟滑豆腐好大反差，好食。主菜黎啦！砂窩雲吞雞，好足料，滿窩都係雞同蔬菜，湯亦呈現奶白色，好夠味，又清清地，唔會油膩。另外有上海粗炒，炒得好靚好入味，每一條烏冬都上色，賣相已經加曬分。最後以甜品紅棗心太軟做句點，甜絲絲，入口滿滿幸福感。太元樓食物質素唔錯，位置多桌又大，可以慢慢坐慢慢食，下次會再黎小聚！