小胖台灣麵

營業中

休息中

突然想食台灣牛肉麵，於是就去小胖試下佢既牛肉麵☺️我同朋友叫咗一人一碗牛肉麵❤️我嗰碗招牌三寶牛肉麵✨裏面有牛肚，牛腩，牛筋！牛肚非常之軟腍而且好大塊！牛腩用咗牛肋條部份，牛肉味好香濃，滷水味都好突出！牛筋已經炆到骨膠原嘅狀態！朋友叫嘅嗰碗半筋半肉紅燒牛肉麵✨同樣有牛腩同牛筋！佢哋嘅麵條有啲似刀削麵，所以好有口感😇湯底方面好濃厚，配菜仲有蘿蔔、白蘿蔔同生菜🥬夜市鹽酥雞雞塊炸得乾身唔會油諗諗，口感外脆內Juicy！鹽酥部份好香口，唔錯🤩鴨屎香手打檸檬茶潮流興飲手打檸檬茶，估唔到食台灣嘢都飲到！夏天飲到，特別清爽😚