老虎堂黑糖專売 (已結業)

老虎堂嘅黑糖系列出晒名，但可惜我自己對黑糖嘛嘛地 。所以老虎堂進駐香港咁耐我都冇幫襯過，今日路經此地，發現佢有芋頭小芋圓系列，仲要係台灣直送，一定要試啦！芋頭小芋圓厚鮮奶冰量：正常甜度：正常芋頭蓉好滑好 creamy，味道濃郁。小芋圓非常Q彈，細細粒容易食，芋圓有少少芋頭味，唔算好突出，淡淡的 。厚鮮奶即奶蓋，奶味香濃，配芋頭蓉好夾！老虎堂自家配方唔算好甜，所以唔駛半糖或者微糖。其實我都唔知係咪可以減冰減糖架！原因係店員冇俾機會我問就直接調製。除咗收錢時講咗句 $34蚊，全程冇第二句 。真係「無言」。