小草十八怪石鍋米線 (已結業)

旺角閒遊至女人街，發現有間食店好搞嘢，有好多五光十色嘅霓虹光管，好搶眼🤩，店名仲好特別，於是吸引咗上去🤭🥢瑤柱蒜蓉海鮮荷葉飯＄70非常多金銀蒜，食落啖啖蒜香味，非常惹味，材料有原隻有殼蝦、帆立貝、墨魚頭、魷魚圈、蟹柳、瑤柱、冬菇粒及蝦米，飯粒清爽分明唔會蒸得太淋，食材新鮮，味道剛好🥢石鍋米線 九餸＄88呢度嘅石鍋米線可以選擇自己製作或者職員代勞，我哋揀咗自己製作，因為覺得幾得意，職員會先講解一次再自行製作👍配料足足有46款🤩可以揀，我哋揀咗蘿蔔、蟲草花、封門牛肉、北海道帶子、花膠、紅燒螺片、墨魚頭、鳳尾虎蝦及日本蘭王蛋，估唔到居然有蘭王，自己買都要幾蚊隻喇，而呢度只需加＄2🤑；另外，有啲貴價食材要加＄2至＄4，食材整體新鮮，個人最鍾意😋墨魚頭爽彈、花膠嫩滑，螺片有口感湯底有7款可選擇，我哋揀咗香辣金湯，微辣、有南瓜味及鹹蛋黃香味，湯底濃香唔油膩👍食完個石鍋熱辣辣，叫左兩個特飲👇🍹芒果凍頂烏龍茶及🍹青檸薄荷梳打，只係加配＄12，超大杯，份量驚人，既然咁大杯飲品，於是心思思想食串燒，發現款式都有成25款，串燒叫左👇🥢羊肉＄22、牛舌＄18及雞腎（2串＄22），串燒配特飲，絕配QR code