金城小廚

營業中

休息中

朋友兒子結婚，今晚約了出嚟食飯派帖，問我大圍市中心有乜食?大圍食肆唔少，但、好食的只有幾間而已。想到一位也是住大圍的舊公司拍檔介紹過金城小廚，金城小廚以前在顯徑冬菇亭都幾好食，但搬了過來海福花園，開咗咁耐，我都冇去過。幾個朋友食飯聚舊，搵中式食肆，可以坐得耐少少，傾吓偈，就打去訂位。來到才知道，原來呢間金城有兩個舖位的，一間在對正馬路既大街，另一間在便利店條巷仔行入去的內街。坐低後，店員告訴我們，只有1小時15分鐘，即時晴天霹靂，吓.....訂位時又唔講的。 我們叫了胡椒豬肚雞煲(味道還好，但胡椒味唔夠重)，焗魚腸(焗得唔夠香脆，魚腸也不多)，咕嚕肉(正常)，安格斯牛柳粒(正常)，水煮魚(最後上錯了水煮牛，為免浪費時間，照食，牛肉好嚡，唔係用滑牛，個辣汁完全唔掂，唔係正常水煮食物的汁底)，椒絲腐乳通菜(腐乳味唔夠濃郁)，淮山木耳炒四季豆(正常)，湯(好味，但都幾油)及雞腳小食(好淋，好食的)都是坐低便自動上檯的。何為"正常"??即係唔算很出色，但也不差，大路口味。食到快夠鐘，要追單才上菜，被迫食到過鐘，但他們都沒趕我們交檯，可能知道遲了上菜，食飽見到門口已經有人在等位，我們都不好意思