辣蟹舫 (已結業)

由於今晚係家庭聚餐，所以要搵間坐得人多而且舒服嘅地方，呢間真係唔錯，可能我地又早用餐，見餐廳唔算太多客人住，黎呢度唔好好係我咁行樓梯，因為條樓梯好窄架，原來隔離停車場有lift直達，下次都係搭lift先。餐廳有送黃金豆腐俾我地食，堅正，因為炸皮又薄又脆，而入面嘅豆腐又好滑，加埋醬汁食好味，食嘅時候小心熱呀！黃金蝦球一個個分好晒上，方便大家食，而我鐘意食呢個嘅原因係蝦夠大隻有咬口，彈牙外，而且仲有濃濃嘅咸蛋醬由於呢間係做客家菜為主，餐廳又推介，所以我地叫左盤例牌魯鵝，鵝肉係厚身嘅，可惜唔夠入味而且有Ｄ難咬，好鞋生菜煲同炒面都建議大家食因為生菜煲做得好好味，醬汁一流，而炒面炒得乾身分明又入味有火喉又唔係間間都做到，呢間餐廳真心不錯的推介！黎得呢度當然要食佢地嘅蟹啦，餐廳名都有寫到明，果然好好味，佢炸出黎嘅碎碎好好味，用黎送飯一流，好香好好味！