靚煲皇 (已結業)

難得閒日家人都得閒可以約到出去一齊食下晚飯聚一聚天倫。黎到靚煲皇我地唔打邊爐，反而叫小菜黎食，除左打邊爐小菜都做得十分出色。京蔥爆鴕鳥肉($88)京蔥香味濃郁，為鴕鳥肉帶來清香既味道，鴕鳥肉既肉質十分嫩滑，沒有一點過了火喉，而且肉汁分多要黎送飯就最岩不過。紅燒乳鴿($88)乳鴿皮燒得十分脆，咬一口外皮脆但肉汁十分多地係口中流出黎，可知師傅的功夫不錯，不會燒到整個乳鴿肉質乾晒。肉既嫩滑同外皮既脆都食到。吉列墨魚餅($88)用吉列方法整都幾有新意，而且墨魚餅打到成晒膠再去炸，咬到中間的肉質十分陣牙，呢個小食要黎佐酒真係一流，十分香口有嚼勁。今次沒有打邊爐但係仍食得十分滿意，餐廳的食物質素十分高。