霞小飛 (已結業)

最近在k11附近報左個course,上堂前都會在附近搵野食。 今次就揀左霞小飛，餐廳位置好易搵，在地鐵站k11出口一出黎就到，同層仲有好多賣女生衫褲鞋襪、colour con等既商店，食完仲可以行下街再上堂。晚市套餐有二人餐。揀左個蟲草花螺頭雞湯，味道濃郁，好足料。前菜可揀兩款，揀左水晶肴肉同拍青瓜，味道清新。蜜汁叉燒超好味，非常送飯，可惜得四舊，有點意猶未盡。麻婆豆腐嗌左少辣，連唔食得辣既我都接受到，麻味幾香幾濃。酒釀丸子好正，桂花好香，丸子好有口感，如果甜度減少少會更好。