西湖餐廳

營業中

休息中

一行四人係西貢爬完獨木舟游完水好肚餓，朋友帶咗我哋嚟呢度話嗌餸食飯。我哋每人嗌個餸，啲份量都幾大，每個餸仲包例湯同白飯。仲以為每人一碗湯，點知佢俾咗一大窩啫啫雞煲好有鑊氣，都俾得幾多雞，仲有草菇同豬潤，但食到底啲汁好咸。點都要嗌返個菜，友人就嗌咗金銀蛋白菜，味道正正常常。鹹蛋蒸肉餅真係好咸，每啖都好似食緊鹽咁，男朋友都忍唔住嗌杯可樂。朋友介紹鹹魚雞粒豆腐煲，真係唔錯喎，好多豆腐超好撈飯，而男朋友就梗係嗌咗碗飯喇。