影片
更多
2015-12-12
1142 瀏覽
與朋友一行6人，每月一次飯局。來海宴樓飲過茶點心超水準，所以試下食晚飯，果然有驚喜，晚飯小菜高水準，海鮮生猛好味之餘，又多選擇兼經濟實惠。今晚的確盡興而回。7:3O到，己有一半檯滿，好在訂了位，坐底先叫個$188自選3個海鮮。鼓椒炒蛤蜊，蛤蜊大細一般，最好就是放沙放得乾淨，而且蛤蜊肉新鮮躺在殼上，不會殼肉分離，豉汁濃淡咸辣得宜，不會死咸不會嗆喉。鼓汁煎海蝦😋，海蝦煎得惹味乾脆，蝦頭爆膏，蝦嘴及蝦腳剪得好乾淨，所以連頭連身成隻也可食埋，好味到食蝦吾見殼，得番小小蝦尾，蝦肉彈牙夠爽又有肉汁，正。鼓汁蒸黃立倉，條魚細條左D，但係$188三個海鮮真係想食人隻車咩！條魚新鮮嫩滑，都係食剩排骨。另外再散叫幾個菜。炸子雞半隻，蒜香惹味，雞肉嫩滑，雞皮脆到不得了，只是雞胸部位比較瘦/薄肉。銅盤烏糟雞半隻，末打開錫紙已聞到濃烈雞味，令人萬分期待，真係口水都流埋，打開錫紙發覺半隻雞份量都吾少，鋪滿成個銅盤，東菇云耳炸菜與雞及麻油實在配搭得很出色，只是略嚴其中炸菜小小偏咸。黃金豆腐😋，出色推界之一，上菜時己聞到七味子及蒜香味，食落加多重黑芝麻及豆香味，豆腐切得小小一口，外皮炸得金香脆口乾身，脆到好似食薯片，
7:3O到，己有一半檯滿，好在訂了位，坐底先叫個$188自選3個海鮮。鼓椒炒蛤蜊，蛤蜊大細一般，最好就是放沙放得乾淨，而且蛤蜊肉新鮮躺在殼上，不會殼肉分離，豉汁濃淡咸辣得宜，不會死咸不會嗆喉。鼓汁煎海蝦😋，海蝦煎得惹味乾脆，蝦頭爆膏，蝦嘴及蝦腳剪得好乾淨，所以連頭連身成隻也可食埋，好味到食蝦吾見殼，得番小小蝦尾，蝦肉彈牙夠爽又有肉汁，正。鼓汁蒸黃立倉，條魚細條左D，但係$188三個海鮮真係想食人隻車咩！條魚新鮮嫩滑，都係食剩排骨。
另外再散叫幾個菜。炸子雞半隻，蒜香惹味，雞肉嫩滑，雞皮脆到不得了，只是雞胸部位比較瘦/薄肉。銅盤烏糟雞半隻，末打開錫紙已聞到濃烈雞味，令人萬分期待，真係口水都流埋，打開錫紙發覺半隻雞份量都吾少，鋪滿成個銅盤，東菇云耳炸菜與雞及麻油實在配搭得很出色，只是略嚴其中炸菜小小偏咸。黃金豆腐😋，出色推界之一，上菜時己聞到七味子及蒜香味，食落加多重黑芝麻及豆香味，豆腐切得小小一口，外皮炸得金香脆口乾身，脆到好似食薯片，肉面豆腐嫩滑無比，師傅火喉好嘢。九肚魚是必食推界😋，我咁大個女末食過咁粗壯肥大的九肚魚，以往食的像手指般粗，這裡的九肚魚似個小雞脾，1條抵得住出面的5一6條，一碟有6大條，仲要用竹韱上，所以真係似足食雞脾咁，脆醬薄薄吾厚粉，一咬金香鬆脆，九肚魚除魚肉卻嫩滑得像食炸鮮奶般，大家一於大啖大啖咬，好味到好似一班細路小息時食炸雞脾般開心，真係爽真係暢快。仲有個海鮮浸菜苗，真係扺食，竟然有竹笙! 味道吾洗講，鮮甜無比啦。
最後，終極必食推介~有汽礦泉水杏汁豬肺湯😋😋😋. 吾好問點解要用有汽礦泉水，我吾知，淨知道超好飲，我咁大個女，呢個湯係驚為天人，超水準之作，每人$22真係仲平過XX堂，杏汁清新入肺，飲完真係齒頰留香，整個口腔洋溢著濃濃杏香，令人有種滿足幸福的感覺，再看看端出來的湯料，裡面有多多清甜豬肺肉外，還有小小吊味的瘦肉及雞爪，朋友話連D煲湯瘦肉都甜過人，師傅真係比足料，應該係誠意之作。呢碗湯為是日晚飯畫上完美句號。
我見有人包房食飯，叫了兩大盤瀨尿蝦，隻隻手臂咁長，下次要試下。
張貼
