海宴樓 (已結業)

許多人說這間看似貌不驚人，裝潢蠻舊式帶點土氣的酒樓的海鮮十分值吃，午市時份供應的好幾款以海鮮入饌的點心更是甚具特色。正因為此，小弟今天就拉大隊過來會她一會，看她又是否真正實至名歸....一家人都是屬具"食力"之輩。掃餐牌的行動，當然是事不宜遲，馬上的開始....這不是炸兩相當攪鬼有趣的名字。平時常見由細食到大的炸兩大家都知道是用腸粉皮包裹著油條的，而這個"不是炸兩"則是以粉皮包著炸米網紙而成，這樣口感自不然是更為脆口但就少不免顯得油膩更甚；腸粉皮是走傳統偏厚身的路線，入口偏濕帶黏說老實只是屬一般水平....蠔皇叉燒包包身尚見鬆軟；餡內差不多全是叉燒醬，叉燒粒的份量是少得可憐；調味偏濃鹹的它同樣是在水準以下....黑糖古法馬拉糕糕身頗軟綿但卻完全吃不出黑糖的甜香。整件東西味淡淡的和平常嚐到，甜到膩的馬拉糕可說是大相逕庭。吃畢了一整件後想來想去也猜不透它是有何"古法"之有....魚湯魚肚鮮竹卷魚湯帶點"假味"不似是天然精製的；魚肚則厚身軟淰嗦盡了湯味。如不是劣湯當道的話本應甚美味；鮮竹卷只是一塊浸至軟塔塔的腐皮包著丁點的肉團，滋味實在很一般....瑤柱蛤蜊菜苗餃在這一小件餃中，遍尋底下也找

香港食海鮮嘅地方好多，但食本地海鮮，仲要係本地漁民足嘅真係罕見。首先有本地嘅青口，大小不一，肉唔算大，可能因為要煮得比較熟，但非常鮮甜又唔韌，大隻起上嚟相當之恐怖，不過其實舊肉分別又唔係太得咁緊要。本地海膽刺身，漁民親手捉返嚟，就算唔係咁大隻都可接受啦。由於細隻，肉（卵）唔算多，但就幾鮮甜，配埋少少嘅海水味，都值得一試。有氣礦泉水燉白肺湯，老細話用有氣礦泉水會另個燉湯更出味更正喎。飲落又唔識分有乜分別，只要杏味剛剛好，杏味相當溫和好入口。湯碼好足料，好多豬肺。後尾聽老細講話完來連杏汁都係自己磨，唔怪得咁正啦。呢隻叫車蠔，其實係本地一種特產，同蠔一啲關係都無，係類似扇貝嘅生物，不過就紅啲，口感爽啲，入口一啲都唔韌，勁鮮甜，呢個超鍾意！最後係牛尾煲，呢個煲個味好特別，中式風味濃，有少少以前食果種"中式羅宋"味，牛尾一啲多唔尾，炆得啱啱好，離骨之餘亦有一定口感，唔會焾爛。整體好有香港風味，由本地海鮮以至牛尾個汁都係咁有香港味，作為香港土生土長嘅我，如果無嚟過真係後悔。

食海鮮不用去西貢！佐敦海宴樓有超級靚料新鮮海鮮！有時候中菜給我的感覺是：廚師技術遠遠勝過用料，不知大家有沒一同感。食海鮮如果用料不好，只可以食炸的，丸，或是用濃味的汁蓋住。海宴樓這裡可以食到海鮮的原味，非常難得！這是即開新鮮本地海胆！上桌時它們仍然在動呢！自己一向不吃海胆，因為有陣怪味。今次一試，才知道新鮮是甜的！我們一問老闆才知，香港其實仍有一些地方有新鮮乾淨海鮮，只是不多人知道。清蒸青口，只是清蒸，毫無添加！如果不是靚料，豈敢如此上桌！隻隻又肥又圓又飽滿，啖啖盡是鮮甜的海鮮味，這是急凍青口絕對沒有的味道！這個是蒜香粉絲蒸車蠔，這個，真是好味到想哭…我有沒有誇張，你試一試就知道了。老闆說，車蠔是西貢人叫的名字，即是我們叫的元貝或瑤柱。新鮮食，真是無渣又清甜。如果你覺得帶子刺身好好味，你真的要試試蒸熟版，甜味湧上味蕾，冇得輸啊啊啊啊啊！！！本地石斑，中型size，一家四口夠吃了。肉質極度鮮嫩，不是講笑。較早前公司annual dinner吃的石斑，味同嚼蠟，肉又韌！海宴樓的石斑除了靚料，火候控制亦十分到位。中國人煮魚，才是最一流的。媽媽喜歡到魚頭全吃掉！最後點了一個白肺湯，這個湯媽媽好

當晚我們訂了位才光顧，入場時見到有些細台放在商場走廊上，幸好我們不用坐走廊，真好彩！我們一共點了青瓜、海膽、車蠔、燒鵝、煎米粉、牛尾煲等等 ...全晚最大的敗筆就是兩味海鮮，海膽的肉非常細小更重的是有陣陣坑渠海水氣味 。明顯是出產的地方水質受污染，但受污染的海膽已經不能做剌身了！我試了一小半己經不敢再碰了。而車蠔的肉亦非常細小，味道還可以的。其他的烹調也不錯，牛尾煲則是全晚最出色的食物，牛味濃郁。總結，這店雖以海為名，  除了海鮮其他還是可以的！雖是貨源所累，但餐廳也要做好品質管理喔！

一家人出黎食飯，黎左電視介紹過嘅海宴樓，見講得咁正，梗係要親身試下啦。前菜小碟同辣醬～先叫個杏汁豬肺湯，一開蓋而聞到好强列嘅杏仁味。湯清不膩，杏仁味超濃郁，好飲！幾多湯渣，洗豬肺好多功夫㗎，食多幾舊先。店長堆介嘅本地海膽，嘩嘩，上枱仲郁緊，未見過本地嘅海膽呀，真係見識少添。要左一人一隻，好新鮮！好鮮甜，同雪過嘅差天共地，好正！電視介紹過嘅車蠔，正正正。雖然叫蠔，但其實係元貝黎，淡黃色，鮮甜唔韌，好正。仲有本地青口，又係未見過添……清蒸，原汁原味。雖然唔係好大size，但勝在好新鮮，好鮮甜呀！仲叫返碟菜，魚湯艇皇浸菜苗，勁多料去浸，又係勁鮮甜，飲哂啲湯汁。食左咁多海鮮又叫返碟肉先，好耐無食過片皮鴨，見隔離枱好正咁，又試下先。推出黎熱辣辣，好香呀，見阿姐手起刀落好快就片好一碟。靚！正！蒸皮～皮加鴨加蔥同青瓜，再加少許醬汁。包好食得，鴨肥美肉嫩，蔥香，醬甜，好味！食到一半嘅鴨又上魚了，唔覺唔覺原來叫左好多野下青蒸石班，都係本地架喎，火候剛剛好，魚熟但唔過老，十分嫩滑，鮮甜，好正，咁好味要撈飯了。勁好下飯，食左一大碗！必備嘅酒樓甜品，紅豆沙，幾好，唔過甜。全部野都好好味，侍應意外地好禮貌，好少

一家人飲茶，見到呢間食評好好既酒樓，海鮮好似好正，飲茶食評就唔多，不過都去試一下啦！點左廿多款食物，人多兼胃細，有d 都食唔到…叉燒飽﹕皮乾實，唔係好鬆軟！叉燒雖然都係一粒粒，但唔多，兼叉燒獻太多… 黑糖古法馬拉糕﹕聞落香噴噴對辦，甜味還可以，但色水唔夠靚，口感太乾…這不是炸兩﹕炸兩係我最愛，呢個名夠騎呢，以為係春風得意腸，點知得炸網紙....... 好失望，無得色，索性賣炸兩好過。勝瓜魚茸粥﹕只係一碗有少少勝瓜同魚肉既粥，無調味，無鮮味，同食白粥無異…想點？鼓油皇炒麵﹕上枱一望已知中伏…濕、碎…鼓油皇炒麵炒得好味唔難，但係要口感好就要功夫…呢度功夫就好麻麻。龍皇三星卷﹕外形似食荔芋卷，但佢包魚肉！賣相只係一般，但係佢個魚肉重陳皮味，卻係始料不及，呢個唔錯！椒鹽魷魚鬚﹕呢個出面酒樓做法一般脆漿都較"痴"魷魚鬚，但係佢就發得好大，但又唔會甩皮甩骨，雖然唔鐘意呢種做法，但係炸得唔錯。椒鹽九肚魚﹕一般都係就咁炸，佢就串起佢炸…九肚魚滑就必然，椒鹽唔太咸，幾好！賴尿蝦腸粉﹕呢個賴尿蝦腸粉有特色，賴尿蝦係上價貨，比唔得多，用左一半魚肉頂住。魚肉有少少搶左賴尿蝦既鮮味，但整體味道不俗，值得推介！食

佐敦確實係有好多美食嘅地方，同家人食晚飯，想找個舒服好座嘅地方，係open rice 找找，看見這地方都幾特別！力推本地海漁，以新鮮生猛為主！一家人便去試試先叫了一個店員推介嘅湯有氣礦泉水燉杏汁白肺湯 $158奶白色，超級鮮味，本人對豬肺不感興趣亦試了，因在街吃怕洗得唔夠清潔，但看見湯渣上碟後，豬肺都D 顏色都好白，又試吓，可能煲得耐，肉質好軟熟，入口時已經自動散開，值得一推介 蒜蓉蒸西貢峇門野生車蠔 $48/隻平時食蠔，有時會餘下一粒好似帶子嘅東西，今次叫的車蠔就係主要吃呢個位！起初以為好細粒，原來都好大粒，又爽口又彈牙，加埋香蒜清蒸確實好味 蒜蓉蒸本港野生魷魚 $108魷魚厚度切得啱啱好，肉質軟煙韌彈牙，配上金黃香蒜，十分野味！ 酥炸珍珠貝 $148外脆內軟，吃時仍然能保持住其鮮味！ 吃完一輪海鮮，都要叫一些小菜，脆皮燒腩仔(例牌) $88腩仔夠晒肥，但皮就不是太脆，味道可以，不過有時候在其他地方吃脆皮燒腩仔都是這樣！ 啫啫通菜煲 $88用煲上超熱騰騰，渣渣聲，通菜爽口軟熟 西檸雞 $108外脆內嫩，不過汁就不夠酸！ 琥珀咕嚕肉 $

來到佐敦薈的海宴樓，傳統酒樓的佈置，跟大型酒樓差不多，只是店面較細。說不出原因，就是多一份懷舊，多一份親切。聽聞以海鮮菜式聞名，但午市都是以點心、燒味飯為主。點心紙的選擇比大型酒樓少，但以海鮮專門店自居的海宴樓，有海鮮的點心比一般多，有些款式幾特別，如瑤柱蛤蜊菜苗餃、瀨尿蝦腐皮卷等。即使試不到晚市的海鮮，也可以先吃點心過過海鮮癮。手拍青瓜青瓜爽口，酸酸辣辣，十分開胃。跟一般深啡色醋的手拍青瓜不同，像魚露般的醬添上越式風味。有氣礦泉水燉杏汁白肺湯杏汁白肺湯註明用有氣礦泉水燉，雖然不知道有氣礦泉水有甚麼特別效果，但噱頭十足。清洗豬肺很難，要灌水，又要洗擦，多重步驟才能清洗乾淨和辟去腥味，為的是它的可口、補肺健脾胃之效。白肺湯沒有腥味，值得一讚。湯如杏仁茶般稠，杏味香濃，味道濃郁，但稍鹹。湯渣有馬蹄、雞腳、豬肺、豬肉、白果，燉出味後，只剩下淡淡的味。香煎韭菜角煎得金黃的皮，薄又脆，少少油膩，但尤其可口。韭菜包得飽滿，濃味而清新。塔門野生青口小籠包賣相跟普通酒樓小籠包無異，不甚討好。整粒放入口，吃完也不察覺有青口。唯有把它弄開，才看到青口的真面目。這隻專人下水採收的青口，十分迷你，包在小籠包裡

之前body check 後，經過呢間醫下五臟腑試過塔門青口小籠包一試難忘後。。年夜飯決定此家不二。睇相就知道呢個四季豆蝦乾燒肉絕對好過不少所謂的名店， 鑊氣十足， 蝦乾帶起鮮味， 而燒肉更是神來一筆， 炒完皮脆， 肥瘦均勻 這個不用多說肉質爽甜 極具人氣的白肺有氣礦泉水湯， 喝下去像牛奶很滑又帶有淡淡杏汁味道，清香順喉，喝罷感到全身也暖暖的！ 看咀部就知道是真海斑炒飯粒粒分明， 很香口

係佐敦報完旅行團, 上OpenRice搵下有咩食, 本想吃西餐的我, 俾海宴樓的一眾好評深深吸引我上到去唔駛等位, 個場都幾空, 感受到現場同食評不成正比! 坐左一陣, 餐廳老闆親身過黎同我地傾計, 介紹左野食俾我地! 原來佢所有海鮮都係係香港本土自己搵人去捕穫, 只有佢識人先拎到, 包我地係出面食唔到, 所以有咁多捧場客支持海膽: 以$60左右一隻黎講, 可以食到咁甜的海膽刺身, 絕對係無得輸, 連埋人工錢真係分分鐘無錢賺青口: 開頭諗無野呀? 青口有咩咁特別? 但食落去, 真係未食過咁鮮甜的青口, 同Buffet個D雪藏青口或者海鲜店法國急凍個種都差好遠車壕: 仲以為係蠔, 點知上左台先知係干瑤柱, 咬口彈牙, 無諗過可以咁樣食到蒜子蒸干瑤柱, 新奇杏汁白肺湯: 用有氣礦泉水燉,味道更甜, 加上杏汁之香, 滋補養顏, 欲罷不能紅洒燉牛尾: 牛尾入味兼濃郁, 加蒜溶包一齊食, 盡吸收牛尾精華, 值得推介總括今晚真係大開眼界, 香港產都有呢D咁好味既海鮮食! 咁優質的餐廳, 依家平日都唔係太多人, 不過之後做起左就唔敢包, 所以要食就要快啦

朕今日想食海鮮，但又唔想山長水遠去西貢同香港仔，於是就去左海宴樓呢度試下，呢度係標榜本地海鮮，仲要係優質嗰隻！朕一坐低，就問店小二有咩好野推介，小二就推左個"有氣礦泉水燉杏汁白肺湯"，吓有氣既湯，唔係啩！當然個啲湯煲完就梗係唔會仲有氣啦，不過中國人既人傳統智慧，豬肺湯以形補形，飲完就補你啲氣，碗湯飲落有好香既杏汁味，杏汁夠哂滋潤，豬肺又夠補氣，如果喺乾燥既冬天飲就最好不過啦！飲完湯，就食啲小食啦，"脆皮燒腩仔"份量還可以，不過啲皮就唔係全部都脆卜卜！跟住就有"蒜蓉蒸本港野生魷魚"，朕就唔知"本港野生"同"大陸自由行來港既野生"既魷魚睇落有咩分別，但係呢個"蒜蓉蒸本港野生魷魚"食落鮮甜，咬落爽口，加埋佢地用鴛鴦，份外香口。朕食乾瑤柱就食得多，新鮮既就好少食，呢個店小二推介"蒜蓉蒸西貢峇門野生車蠔"，車蠔即係新鮮瑤柱，肉身夠厚又大粒，佢比乾瑤柱仲多一份鮮甜味。另外"酥炸珍珠貝"，珍珠貝外皮炸得脆卜卜，咬落夠厚身，不過朕始終都係覺得海鮮都係食鮮味，如果用炸始終都係浪費左呢啲咁鮮味既食材，下次試下蒜蓉蒸，應該有不一樣的滋味！－－－－－完－－－－－

熟我既朋友仔都知我好海鮮，但奈何出街食海鮮，總有一種被劏的感覺。但被劏唔緊要，最慘係劏完都無啖好食。所以有時心血來潮想食海鮮，真係多D功夫都寧願自己煮。朋友仔最近發現到有間新餐廳，海鮮真係夠新鮮，見佢極力推介，就試試啦！去到餐廳，未有心水食D乜，服務員好快就黎介紹一下，咁岩今日返左D海膽，就黎個即開海膽先。因為兩個人，叫得幾樣野食，但意想不到的高質素。海膽今日新鮮係西貢入貨，見到佢仲識郁架，夠新鮮生猛。轉個頭比人開左了！我地有食神，呢兩個月海膽當做，好肥美鮮甜呀！蒜茸蒸車蠔車蠔真係第一次聽第一次食。因為夠新鮮，所以簡單用蒜茸蒸已經好好食。老闆話原來車蠔曬乾就變成乾瑤柱，唔怪得食落唔似蠔，反而似係元貝類。時間蒸得剛剛好，食落juicy 一點也不韌。烚青口一直對青口都無特別感覺，但上網見人推介話好食，就試下先。唔駛任何特別烹調方法或者加任何調味，已經好好食。雖然唔算大隻多肉，但爽口鮮甜，一點腥味都無。紅酒燴牛尾估唔到係呢到可以食到呢道菜，而且比某些西餐廳做得要好。上台份量都幾多，除左牛尾仲有其他配菜，味道夠濃，牛尾夠稔，配埋蒜茸包食一流。有氣礦泉水燉杏汁白肺湯平時出街食飯好少會叫呢個湯，

自從容易皮膚敏感之後聽醫生話我係可以食海鮮嘅不過最好食一啲本地嘅優質海鮮爸爸幫選了海宴樓幫屋企人慶祝生日主打本地生猛海鮮仲有靠得住嘅李錦聯裝修整齊光潔枱之間有足夠空間唔會侷促一坐低先叫一個招牌湯水滋潤一下有氣礦泉水燉杏汁白肺湯 $158整個湯非常入味我未試過湯渣係可以完全食晒爸爸一邊食一邊讚不絕口而且一入口先飲到杏汁味有點像鹹味版杏仁茶順滑潤喉滋潤到入心入肺蒜蓉蒸西貢峇門野生車蠔 $48/隻店經理說是當天從西貢新鮮網回來的不是每天返貨我們碰到是有緣份所以決定食咗佢 XD其實我都係第一次食就點了蒜蓉蒸師傅蒸得剛剛好最喜歡就是粉絲吸收了日月精華即係其實係新鮮瑤柱新鮮嘅車蠔鮮味突出令人回味無窮蒜蓉蒸本港野生魷魚 $108野生魷魚超級鮮味口感豐富而且爽口彈牙酥炸珍珠貝 $148珍珠貝嘅外層包住一層很薄嘅粉漿炸得很鬆脆口感脆口之餘仲可以鎖住珍珠貝嘅肉汁鮮味無比除咗照顧喜歡食海鮮嘅細佬仲有鍾意食清淡素食嘅媽媽我哋就鍾意食啲特別小菜琥珀咕嚕肉 $98都幾抵食最鍾意就係啲琥珀又甜又脆口幾足料竹笙羅漢上素 $78媽媽說很有水準西檸雞 $108酸酸甜甜送飯好開胃啫啫通菜煲 $88原煲上鑊氣充足豉油王炒麵

冇ＢＯＯＫ到位，好彩六點零去到，都唔駛等位，仲襯女朋友未到同老細嗲兩句先。老細話今日有新鮮海膽刺身（即開即食）＋車蠔刺身，梗係要支持下啦，各樣叫左兩隻。－　海膽刺身肉唔算多，但十分鮮甜，重質不重量－　車蠔刺身好爽口，味唔算好濃，不過冰底上有心思到火鍋啦，今次叫左個蕃茄薯仔肥蜆湯底，個湯香濃鮮甜不在話下，Ｄ蜆真係好好食，好足料！－　鵝腸鍾意食肥膩既朋友就真係岩哂，油份好多，又夠爽口－　車蠔第二次食，依舊口感鮮味十足，加埋個湯真係絕配－　桂花蚌－　本地新鮮青口因為今次兩個人食，唔係叫左好多野，不過唔緊要。因為好快又會再去，唔知下次又會有咩新鮮海鮮食呢？