肥佬德滷水小炒 (已結業)

又去青衣探朋友，上次念念不忘黃金蝦，今次一定再接再勵。朋友仲話，最近肥佬德推出盆菜，話可以預訂順便留埋台，我地六個大人三個小朋友，就叫左個中盆，諗住到時再叫其他小菜。去到個陣，都坐滿九成，好在有留台，坐低之後，侍應就拎個包好晒既盆菜出來，上面貼住張紙，「感謝你」之餘〝教我地點樣食盆菜，好細心！我地跟指示打開錫紙，再倒d汁落去，然後就等佢滾，滾到咁上下，真係好香呀~~~一打開，d料都擺得好靚，因為個汁較得好，加上d野本身調左味，大部份都好惹味，當中既魷魚、扣肉、蘿蔔、鯪魚球係真心推介 (食左一舊魷魚就被搶晒，陰公)，而且又唔同出面個d山珍海味盆菜，呢個係sell家鄉風味，更加啱屋村既平民形象。不過面頭個幾隻中蝦，可能係一早整定既關係，到我地食既時候，d肉有d稔稔地，呢度可以改善下，不過整體係十分滿意既。除左試個盆菜，仲叫左其他小菜：黃金蝦：不枉我日夜思念，黃金夠香，蝦夠大夠爽，蝦頭都唔放過，能夠保持水準！本人食過十大最佳菜色之一！炸乳鴿：好似話都係招牌菜之一，皮炸得好香脆，肉都好多汁，不錯。小炒王：無欺場，好大碟，好味夠鑊氣，仲要今次既腰果好脆，抵讚。金銀蛋白菜：又好難有咩特別……其實都