忠記咖啡屋‧私房菜 (已結業)

聽講呢間餐廳都幾有名氣，所以今日慕名而來，特登出到黎銅鑼灣忠記咖啡屋食晚餐。雖然係樓上鋪，但未到6點半已經有八成入座率，可見呢間餐廳真係相當受歡迎。為左食魚，我地嗌左二人套餐🤗除左小菜仲有各式海鮮。老火湯好有家既感覺。非常推薦椒鹽鮮魷！熱辣辣，食得出係即叫即烤炸。口感香脆，入面既魷魚爽口彈牙椒鹽味道岩岩好，唔會太咸。蘸上醬汁，酸酸地更好食。瑤柱肉鬆蒸滑蛋，蛋夠滑，撈飯一流。蒸得岩岩好～倉魚肉質嫩滑，魚味十足，啖啖肉，令人回味無窮。太極扒時蔬，呢款就比較普通。