漁小館

營業中

休息中

星期六的晚上，店內滿座，在外等了大概10分鐘。接待員熱心地搬多一張椅子給朋友坐，我地想飲水，她又提供熱茶，服務周到。裡面環境好嘈，傾計要好大聲，完全聽唔到對方講野。今晚係食肉獸系列。脆皮雞，炸豬手，金沙骨加梅菜肉鬆蒸芥蘭。脆皮雞，肉質鮮嫩，連埋脆皮，流哂口水。炸豬手，配芥末醬，豬皮炸到脆卜卜，香口惹味。金沙骨外層包滿咸蛋黃，吃一口已經回味無窮，每條骨都啖啖肉，抵食。每樣餸都夠鑊氣，各有特色，好好味。飲品推介咸檸七，大大粒咸檸檬，加上七喜，咸酸帶甜，好滿足。