影片
更多
2022-05-15
1898 瀏覽
一到父母親節 最常去嘅餐廳都係呢啲中式酒樓🤣 見到呢間酒樓冇加一又唔收茶錢 而且小菜價錢實惠 所以就一行四個人嚟咗呢度食晚餐其實呢間酒樓側邊有間茶餐廳 都係同一個老細經營 之前係食過茶餐廳嘅炒粉麵 炒粉麵就喺酒樓度整出嚟 所以都非常有鑊氣👍🏻 今次就直頭嚟呢間茶樓度試吓佢七味一口脆豆腐呢個作為一碟餐前小食份量好多 整得外脆內軟 不過有幾粒略嫌炸粉厚咗少少🤏脆皮燒腩仔呢碟例牌嚟嘅 但係都有三大排燒腩仔🐷 雖然佢唔係特別瘦 但係食呢啲燒味就係要咁邪惡㗎啦 燒腩仔個皮真係好脆🙊招牌小炒皇係韭菜嚟嘅 入面有腰果 菜寶 蝦乾 仲有魷魚鬚喺入面㗎 真係炒得好有鑊氣 而且都算幾大碟㗎😗黑椒德國咸豬手煲豬手好大隻 而且店員好主動咁幫我哋起骨 令我哋食起上嚟都好方便 鹹豬手係煲到好腍嗰種 但係我淨係講緊個皮咋 因為啲肉唔係好腍 仲食到豬肉嘅口感 比起坊間一啲豬手煲出色好多😌清蒸游水沙巴龍躉應該係其中一款特價小菜嚟嘅 二至七位可以嗌一款 我哋就嗌咗呢個$98嘅蒸魚 我覺得條魚size還好 不過略嫌佢蒸得有少少過熟 魚背位置啲肉有啲老🐟魚翅花膠海中寶呢個燉湯冇影到相🥲 個阿姐太早幫我哋分晒啲湯 入面都好足料
其實呢間酒樓側邊有間茶餐廳 都係同一個老細經營 之前係食過茶餐廳嘅炒粉麵 炒粉麵就喺酒樓度整出嚟 所以都非常有鑊氣👍🏻 今次就直頭嚟呢間茶樓度試吓佢
七味一口脆豆腐
呢個作為一碟餐前小食份量好多 整得外脆內軟 不過有幾粒略嫌炸粉厚咗少少🤏
脆皮燒腩仔
呢碟例牌嚟嘅 但係都有三大排燒腩仔🐷 雖然佢唔係特別瘦 但係食呢啲燒味就係要咁邪惡㗎啦 燒腩仔個皮真係好脆🙊
招牌小炒皇
係韭菜嚟嘅 入面有腰果 菜寶 蝦乾 仲有魷魚鬚喺入面㗎 真係炒得好有鑊氣 而且都算幾大碟㗎😗
黑椒德國咸豬手煲
豬手好大隻 而且店員好主動咁幫我哋起骨 令我哋食起上嚟都好方便 鹹豬手係煲到好腍嗰種 但係我淨係講緊個皮咋 因為啲肉唔係好腍 仲食到豬肉嘅口感 比起坊間一啲豬手煲出色好多😌
清蒸游水沙巴龍躉
應該係其中一款特價小菜嚟嘅 二至七位可以嗌一款 我哋就嗌咗呢個$98嘅蒸魚 我覺得條魚size還好 不過略嫌佢蒸得有少少過熟 魚背位置啲肉有啲老🐟
魚翅花膠海中寶
呢個燉湯冇影到相🥲 個阿姐太早幫我哋分晒啲湯 入面都好足料 好多豬骨 好多雞肉👍🏻 仲有花膠同埋魚翅 當然花膠同魚翅嘅質素唔會係好高質嗰種 但係成個燉湯冇乜油 感覺好養生☺️ $128來講好抵飲 我哋四位每人都有兩碗湯
呢間酒樓食物質素都幾好 而且價錢真係好親民 我覺得絕對會有下次👍🏻
張貼
