粥粉麵飯

營業中

休息中

今日去咗堅尼地城卑路乍街的樓上飯店《粥粉麵飯》食晚飯。呢間小店嘅小炒不錯，烏龍孖寶有豬肉又有蝦，我覺得好好，兩個人食唔會話太多豬肉太滯，又可以食到鮮甜嘅蝦，蝦係大大隻又脆口，味道酸酸甜甜好開胃，仲配有好多洋蔥青椒同埋鮮荔枝肉。碧綠炒龍躉球健康又好食，龍躉斑塊嘅肉煙煙韌韌冇腥味，份量係好多嘅，西蘭花灼到啱啱好，魚肉鮮甜，食完唔覺得口渴。金銀蛋浸時蔬嘅白菜好新鮮，好處係佢可以俾你揀少油少鹽沒味精，食落去係好有住家味，同埋好健康。粥粉麵飯小炒嘅食材高質，我覺得係唔錯嘅食晚飯地方。