元朗新記 (吳松街)

營業中

休息中

尋日收工，去咗新記買外賣返屋企食，有招牌小食，生滾煲仔粥，粉麵，小菜，炒粉麵飯等。揀咗椒鹽豬扒跟白飯例湯，係霸王花豬骨湯，同埋帶子牛肉炒麵。椒鹽豬扒份量足，有好多塊，肉質鬆軟，一啲都唔韌，好入味，好惹味，送飯一流！霸王花豬骨湯亦足料好飲。帶子牛肉炒麵嘅味道就較為清淡，濃味多少少較好有芽菜做配菜，牛肉塊亦都較少。小菜嘅質素應該都ok，但炒麵類就有待改善。有機會嘅再試其他種類食物！