影片
更多
2024-12-09
46 瀏覽
「倆三杯」主打台式食品同茶飲，而位於旺角朗豪坊12樓嘅「小薯茄x倆仨杯」係佢地嘅聯乘主題店！雖然只係小小一角落，但都有好幾個打卡位嫁，特別係一上電梯就見到嘅巨型小薯茄公仔！成間店舖色彩繽紛、主題鮮明。座位唔算太擠迫，整體感覺舒服，最緊要係周圍都充滿住小薯茄圖案～！餐具同外賣杯都係喺主題上下足心思，我自己就覺得個手提杯套好靚喇！🍅蕃茄牛腱烏冬 $60蕃茄湯底酸酸甜甜味道濃郁，會有少少茄膏嘅味道。而牛腱軟嫩得嚟又滿滿膠質感，烏冬仲超級彈牙！最後我連個湯都飲到一滴不剩！🐣醉雞捲烏冬 $60厚厚嘅醉雞捲，雞肉嫩滑冇骨有淡淡酒香。湯底鮮甜，有滷水同花雕酒嘅味道。一口烏冬一口湯，食落清新但不失層次感，啖啖滿足。🐮滷封門柳 $30肉質細緻一啲都唔韌，滷汁滲哂入去，鹹香惹味。單食已經好夠味，相信配埋飯會更加出色。🪿滷鵽腸 $28鵽腸同樣入味，咬落爽口，唯一要彈嘅係有幾條鵽腸太長冇剪，食起上嚟冇咁方便。🐤鹽酥雞 $28炸得香脆又熱辣辣，粉漿薄而均勻，咬開仲有少少肉汁，係食台式野必點嘅小食。🐽醉豬手 $25豬手炆得非常淋，個皮Q彈，中間個層明顯滿滿膠質，話入口即化都不為過。🍍鳳梨蕃茄特飲 $38我問店員有
「倆三杯」主打台式食品同茶飲，而位於旺角朗豪坊12樓嘅「小薯茄x倆仨杯」係佢地嘅聯乘主題店！雖然只係小小一角落，但都有好幾個打卡位嫁，特別係一上電梯就見到嘅巨型小薯茄公仔！成間店舖色彩繽紛、主題鮮明。座位唔算太擠迫，整體感覺舒服，最緊要係周圍都充滿住小薯茄圖案～！餐具同外賣杯都係喺主題上下足心思，我自己就覺得個手提杯套好靚喇！
🍅蕃茄牛腱烏冬 $60
蕃茄湯底酸酸甜甜味道濃郁，會有少少茄膏嘅味道。而牛腱軟嫩得嚟又滿滿膠質感，烏冬仲超級彈牙！最後我連個湯都飲到一滴不剩！
🐣醉雞捲烏冬 $60
厚厚嘅醉雞捲，雞肉嫩滑冇骨有淡淡酒香。湯底鮮甜，有滷水同花雕酒嘅味道。一口烏冬一口湯，食落清新但不失層次感，啖啖滿足。
🐮滷封門柳 $30
肉質細緻一啲都唔韌，滷汁滲哂入去，鹹香惹味。單食已經好夠味，相信配埋飯會更加出色。
🪿滷鵽腸 $28
鵽腸同樣入味，咬落爽口，唯一要彈嘅係有幾條鵽腸太長冇剪，食起上嚟冇咁方便。
🐤鹽酥雞 $28
炸得香脆又熱辣辣，粉漿薄而均勻，咬開仲有少少肉汁，係食台式野必點嘅小食。
🐽醉豬手 $25
豬手炆得非常淋，個皮Q彈，中間個層明顯滿滿膠質，話入口即化都不為過。
🍍鳳梨蕃茄特飲 $38
我問店員有咩推薦，佢叫我試下呢杯只係主題店先有嘅蕃茄特飲，聽個名好似好伏咁，所以當時我嘅表情係😨咁樣的，但店員話信佢！見佢咁有信心我就try try啦。又真係估唔到鳳梨同蕃茄味道融合得幾好，酸酸甜甜清新又解膩，最後我由😨👉😮👉😙。
🍓芒果奶蓋士多啤梨沙冰 $48
同樣係主題店限定嘅特飲，呢杯沙冰第一啖已經觸發咗我嘅少女心，士多啤梨沙冰甜而不膩，最特別係芒果奶蓋，香濃幼滑。整杯飲品層次豐富非常討好。
🥭芒果茶凍 $48
甜品真係做到有誠意，有超多配料包括三色芋圓、鮮茶凍、椰果、仙草等等，仲有甜甜芒果沙冰底，兩個人share就剛剛好。
整體食物水準唔錯，份量適中，價錢合理。如果平日經過朗豪坊，仲可以叫Lunch Set，＄88有勁多野揀俾你有唔同配搭！
門店仲有勁多souvenirs，其中有個「薯茄茶包禮盒」我覺得幾啱嚟緊Christmas Party上朋友屋企玩時當小小心意送禮，一盒入面有葡萄烏龍、桂花烏龍、白桃烏龍，三種口味，價錢＄298唔算貴。
張貼
