Lady M (已結業)

係香港大部分嘅打工仔女都係受資本主義壓逼嘅可憐寶寶 作為資本家的下層，我決定...繼續被勞役😂 勞役完之後就對自己好一點，就食返件cake，嘆返啖茶。今日就係銅鑼灣食街的LadyM小資一個下午。去到4點以為其他人未放工會少啲人，點知都係長長的龍 無所謂啦，都排啦！過咗唔夠三分鐘，好彩排咗！後面又黎咗一堆阿姨！果然係MCake響噹噹。排咗半個鐘，有得入去喇！咩都無諗就叫左Salted Caramel索價$75當然有原因。看看千層蛋糕每層crepe都非常薄，層層平均的忌廉，除咗上碟是唔小心的令蛋糕面有點卜起之外，賣相已取得相當高分。味道方面，焦糖味不死甜，加了鹽是有點關係的，鹹味只有那麼一丁點，也就是我喜歡的原因（總覺得又鹹又甜的甜品很奇怪呢！），所以也要歸功於LadyM鹹甜分量得宜的控制。忌廉香滑而且小泡泡細密，每一啖口感一致又吃到千層蛋糕的賣點--細緻的千層（不是廢話），没街外的粗糙的千層皮的感覺就點了一件蛋糕，吃了一下午，也是一種消費的小確幸。雖然座位是窄了點，人又多了點，聲量也有點大，但為了千層蛋糕，我會再來的。