茶湯會 (環球大廈) (已結業)

今日放工去咗中環做gym, 做完gym都幾晏又見有啲餓....一條友又唔知食咩好...行到去環球附近見到茶湯會原來新出左啲輕便餐 一杯野再加件三文治 先$3x -$4x 都唔錯～～佢地仲有啲毒毒位坐，啱晒我呢啲毒毒xD (同場仲有其他毒毒haha) 我叫咗杯紅豆拿鐵+香辣吞拿魚土司= $45 因為佢地係新鮮幫你整，所以係要返啲時間架～佢係用一個小盤咁上，一個set咁～嘩 份土司熱辣辣真係好感動，咬開真機好足料有蛋芝士同大量吞拿魚 仲有呢pat辣醬，佢個辣醬唔算好辣，似譚仔十小架咋～所以可放心叫hahaha 食飽飽再飲埋杯紅豆拿鐵，紅豆份量超多加埋珍珠好有咬口，再埋拿鐵兩者超夾～～～