雲桂香米線專門店

營業中

休息中

米線係我既Comfort Food，一諗唔到想食咩就會食米線。咁岩附近有間雲桂香，先醒起已經好耐無食雲桂香既小鍋湯底。肥牛大腸小鍋米線 $55小鍋湯底配有芽菜、酸菜、韮菜、蔥同芫茜，不過我走哂。小辣湯底香濃，仲帶有少少肉碎，夾埋米線一齊食好惹味。因為小鍋湯底夠濃，所以叫左肥牛同大腸做餸，夠哂索汁。蟲草花雞米線 $51湯底唔算濃，清清地，但雞件都幾多，所以雞味都算突出。不過米線就一定無小鍋湯底咁索湯，如果你係食得清淡既人會中意蟲草花雞米線多啲。