影片
更多
2009-07-09
8 瀏覽
七月七日幾位圍內食友約了Lunch小聚，將談論了好幾天的頭痛話題作個定案，自己是路人甲，純粹來聽書的。環境開揚意國餐廳，驟眼看分做主廳、外賣Counter同吧位，只得半句中左右的午膳，草草影下些照片，埋位叫菜，其時兩位港島返工的食友已坐定叫了菜。附近上班OL唔少，侍應明顯忙到踢晒腳，連餐牌也要自己搵，問過食友點了什麼後，見無人叫薄餅，就打了個Margarita薄餅同大家分享。食友先取冷盤，再追問侍應先知薄餅套餐原來都有自助冷盤，排排隊挑了魷魚沙律、煎蛋餅同中東米等開心小吃，煎蛋餅鬆但似乎欠蛋香，中東米撈上醋，是開心又開胃小吃。五人分別點了五款不同菜式，Margarita、墨魚汁意粉、肉醬闊麵、意式雜菜湯同「貴妃蚌」意粉連埋幾碟冷盤小吃將檯子擺得滿滿的，林羅滿目食物，睇到都開心。Margarita拿上手即呈四十五度L形，唔合格，很薄但沒有煙韌質感的薄「餅」，汁是不錯的，帶天然番茄甜味亦有淡淡芝士香，如香草味強烈一點會更好，接近二百元的薄餅午餐，餅底應該做得更好。試了小口墨魚汁意粉，墨黑的麵欠墨汁應有的味道，吃落口略為腍，套用食友的話：「自家製亦未必代表好吃。」。看著「肉色」的意粉，初是還
幾位圍內食友約了Lunch小聚，將談論了好幾天的頭痛話題作個定案，自己是路人甲，純粹來聽書的。
環境開揚意國餐廳，驟眼看分做主廳、外賣Counter同吧位，只得半句中左右的午膳，草草影下些照片，埋位叫菜，其時兩位港島返工的食友已坐定叫了菜。附近上班OL唔少，侍應明顯忙到踢晒腳，連餐牌也要自己搵，問過食友點了什麼後，見無人叫薄餅，就打了個Margarita薄餅同大家分享。
食友先取冷盤，再追問侍應先知薄餅套餐原來都有自助冷盤，排排隊挑了魷魚沙律、煎蛋餅同中東米等開心小吃，煎蛋餅鬆但似乎欠蛋香，中東米撈上醋，是開心又開胃小吃。五人分別點了五款不同菜式，Margarita、墨魚汁意粉、肉醬闊麵、意式雜菜湯同「貴妃蚌」意粉連埋幾碟冷盤小吃將檯子擺得滿滿的，林羅滿目食物，睇到都開心。
Margarita拿上手即呈四十五度L形，唔合格，很薄但沒有煙韌質感的薄「餅」，汁是不錯的，帶天然番茄甜味亦有淡淡芝士香，如香草味強烈一點會更好，接近二百元的薄餅午餐，餅底應該做得更好。試了小口墨魚汁意粉，墨黑的麵欠墨汁應有的味道，吃落口略為腍，套用食友的話：「自家製亦未必代表好吃。」。
看著「肉色」的意粉，初是還以為是街市買的發水魷魚，食友指正麵糰中間有條線，應該是「貴妃蚌」，吃完除了記得一些芝士味道外，也真的沒留下深刻印象。千層肉醬闊麵，三層麵被番茄肉醬蓋著，試了一小口，有茄甜亦有唔少肉醬，比較起之前吃到幾款，味道還不錯的。
到Pastry環節，Tiramisu似乎是咁多味中最穩陣的，吃起來頗濕而咖啡酒味亦太強，唔多識欣欣，牛角包是甜的，面層有糖漿，吃起來腍腍的，是好睇唔好吃的一味。
食物質素只是一般，但仗著人多試勻餐廳手勢，有講又有笑是吃得稱心的Quick Lunch。
張貼
