小食快綫

營業中

休息中

今日凍冰冰搭火車喺旺角東站落車， 原先諗住去買支熱維他奶，結果畀我 係A出口 見到有間小食店， 裏面人頭湧湧， 我就排隊入去買小食， 店內職員個個都好熟手，所以就算排隊都好快買到嘢食 ，因為天氣凍想食啲熱嘢，所以我叫咗個腸粉， 個腸粉熱辣辣， 撈埋甜醬、 芝麻醬及豉油， 食到個人暖笠笠， 而且腸粉好滑， 好好味。小食店有好多其他小食， 例如有辣及唔辣的魚蛋， 燒賣、魚肉湯、 碗仔翅、 即整的格仔餅、 雞蛋仔及三文治等等。下次搭火車經過要試埋啲碗仔翅或者兩溝 ，如果有即製冰鎮奶茶就perfect了！