雪吧餐廳 (已結業)

尖沙咀有時想搵間靜靜地坐得舒服嘅酒吧有時真係唔易搵 今日朋友帶路 嚟咗河內道呢間喺地牢下面嘅酒吧 酒吧充滿現代感淨係落樓梯個位置 已經吸引咗我哋影咗唔少相😂朋友話呢度啲小食唔錯所以我哋就順便帶嚟食下充飢！泰式豬頸肉豬頸肉爽口彈牙 香口又惹味 加埋泰式醬汁一齊食 清新又醒胃 送酒一流！黑椒煙豬我同朋友都非常鍾意呢道菜 鹹豬手夠稔 黑椒汁夠香 重點係肉質好鮮嫩又入味 令人回味無窮☺️雪吧小食拼盤拼盤嘅食物相當豐富 有雞翼 春卷 炸雲吞同腐皮角 雞肉炸得皮脆肉嫩 香口惹味 腐皮角爽口彈牙熱辣辣 春卷同炸雲吞炸得脆卜卜但又唔會油淋淋 香口惹味😋