米線陣 (PopCorn 2)

營業中

休息中

好耐無食過呢類主打米線嘅餐廳，有時諗唔到食咩間唔中食下都唔錯。揀嘢食基本上都唔使點諗，就算好多嘅日子等位都快，簡單，方便。小食：黑醋豬軟骨，酸酸哋一啲都唔漏，炆得好淋，幾好。日式溏心蛋，個蛋黃半生熟好吸引。香菜豬骨濃湯：特盛米線(+$3轉配薯粉)，大大碗，每款餸都有啲，咩都想試嘅就啱喇。鮮嫩魚塊，滑牛肉片，(+$2轉招牌蕃茄湯)米線，魚肉應該係凍肉舖鯰魚，牛肉唔韌，不過湯就淡咗少少，整體都唔錯嘅。