豚組 (已結業)

同友人會合, 就去咗家樂坊的”豚組”, 個場”轉型”後都一直無嚟過。 晚飯時間, 要等位, 差不多等咗15分鐘。由侍應帶領到坐位, 見到都有幾張”吉”枱, 唔知點解唔比人入, 係都要人等。友人叫咗個A + B餐：炸白豚 + 炸蝦 (佢食食吓先發現比錯咗..唔係炸蝦, 比咗炸蠔, 不過無叫人換)。我食咗佢一件炸蠔, 好厚粉, 唔多好食, 隻蠔勁細…因為我唔係太餓, 所以叫：凍烏冬：一人份量都ok, 烏冬夠凍, 不過就唔係好夠彈牙。蒜蔥牛肉卷：有4件, 估唔到, 好好味。炸粉唔厚, 牛肉都幾嫩, 唔會乾柴柴。芝麻雞亦 (同友人share)：有3隻, 都幾多肉、幾大隻。好juicy, 好味。同場：我聽到有客問set內的飯 & 椰菜絲有無得refill (我記得銅鑼灣果間係有的), 個侍應話：”唔好意思, 我地呢間無得refill, 銅鑼灣果間就有, 不過果間個價錢平均貴過呢度$20”……..哦..原來有此事。食物：小食好似好食過set menu。Service：ok 。 環境：如果安排到住卡位會好d, 不過今次我地得2個, 一定唔會比卡位囉。價錢：中等。