鰹烏冬 (寶華閣)

營業中

休息中

一直都好喜歡吃烏冬嘅口感，之前一直見呢間餐廳好有日式風格，次次經過都排滿人，今日6點幾去到，唔駛等位就入到去！鏗魚清湯烏冬及月見烏冬～兩個都係鏗魚清湯底，分別係後者有日本生雞蛋可以撈勻食，口感更滑溜。但感覺上鏗魚湯底較淡，烏冬份量好多，口感彈牙，但食得多會覺得較硬唔易消化。天婦羅雞件～天婦羅嘅口感，但入面係炸雞，食落幾有驚喜，入面好juicy，啲汁漏晒出黎！流心蛋～煮得啱啱好，而且隻蛋本身都有調味，就咁食都好夠味！關東煮～一碗入面有獅子狗、白羅蔔、椰菜卷、蒟蒻和雞蛋。白羅蔔同椰菜卷超入味，味道甜甜地！骨付雞～超級推薦！雞皮燒得好香脆，雞肉好嫩滑同juicy，味道超惹味，似係用咗蜜糖、七味粉、胡椒味。鯖魚～燒得好香，魚肉好嫩滑，就算唔加檸檬，都唔會覺得腥。