亞蘇爾 (新城市廣場) (已結業)

係沙田搵食確係一件苦事，如果身處新城市廣場就更煩，間間都門庭若市，等位係必然的事。我慣性係地面層會轉去鼎泰豐、simply life果邊，呢次試下轉去另一邊搵食，「亞蘇爾」係賣澳門菜的，澳門菜都係我喜好，正好（冇記錯都差不多有兩年冇去澳門了）。澳門菜有邊樣係必吃？我一定會選白酒煮蜆，呢度係叫葡式檸檬白酒煮海蜆（$118），一上枱，就覺得湯汁非常多。飲一啖，有牛油香氣，但白酒味就若有還無，所以香味稍遜。蜆有十幾隻，肉唔算飽滿，但都叫爽口鮮甜。見親「鵝肝」兩字就會心心眼的我㨂左至尊鵝肝焗鴨飯（$158），不過食第一啖就後悔了。我未曾試過食鵝肝會乾到鞋，看來一早連埋d飯一齊焗，焗到過晒龍。飯都有乾的情況，加埋大量芝士粉就乾上加乾，其他如臘腸、橄欖等等都有點乾硬化，完全唔知想點，千祈唔好叫。主菜麻麻，反而小食有點驚喜，葡國直送沙甸魚芝士脆三文治（$78）幾好食，沙甸魚蓉有魚味但唔腥，加埋半溶芝士就增加鹹香。多士烘得金黃香脆，薄薄厚度亦得我心。伴碟的炸薯角都冇hea做，調味得當，炸得金黃，外脆內軟，不錯。其他如烤乳豬、馬介休球、葡撻等等都想試嘅，但主菜做得一般，信心已減半，除非下次再企係新城市廣