Food Garden ETC (已結業)

今日同朋友去咗D2 Place行街，呢層嘅餐廳都轉左唔少，今次揀咗一間西餐廳入嚟食晚飯，餐廳環境都幾寬敞，坐落舒適職員都好有禮。松露醬野菌忌廉汁意粉$148松露醬嘅味道好香濃，仲有蒜香味，忌廉汁香滑，醬汁掛滿意粉，配料仲有好多野菌口感豐富。小食拼盤$168有洋蔥圈、單骨雞翼、薯波、芝士腸， 分量十足炸得好香脆，洋蔥圈好爽口，雞翼有肉汁唔乾身，而我最鍾意就係食薯波，一口薯波真係好滋味，呢個小食拼盤用嚟送酒都一流。芝士焗椰菜花$68估唔到佢咁大碟，面層鋪滿焗過既半溶芝士，椰菜花好濕潤，芝士味唔會好膩。蘋果醋150 ml $58 朱古力$40 蘋果醋加入糖漿，味道唔會太酸，入口小清甜，好解渴。