Mango X'press (已結業)

冷氣急襲香港，夜晚行街真係凍到打冷震。 行過呢間MANGO XPRESS見到個MANGO XPRESSO都幾吸引，但係太凍既關係都係轉左熱飲。芒香桂圓薑茶($22)桂圓薑茶係呢D咁凍既天氣真係好適合區寒既飲品，加左芒果既香味可以令到薑既辛辣味無咁多，易左入口之外仲有桂圓既甜味配合，三個加埋一齊既組合都唔錯，冬天必選。炸雞花枝丸雙拼($30)MANGO XPRESS主打愛文芒果甜品類 ，估唔到小食都咁出色，炸雞同埋花枝丸炸左之後仍然保留左好多肉汁，唔會令到流失晒肉質本身既水份。單單配埋芥末已經好足夠。愛文芒果配3.6牛乳布甸($28)愛文芒果真係好清甜，加埋幼滑既牛乳布甸，清甜加上幼滑真係幾完美既配搭，食落仲有好濃既芒果香味，食完晚飯之後食埋呢個布甸先係完美既一餐。