Pop Street (已結業)

本來睇到介紹一心諗住嚟試吓鬼佬叉燒飯，點知原來只有午餐先供應🥲好在另外兩個想試嘅小食都有。實際價錢唔記得咗，只係大約記得兩個小食 + 一個主食 + 一杯嘢飲連加一大約$300。-🌸🦐櫻花蝦蘆筍忌廉扁意粉食落比較乾身唔係好夠醬，份量唔大。睇返openrice menu都唔見有其他食評，可能只係好短暫供應過一陣，不過呢個唔推介。-🌶川味辣子雞軟骨重口味之作，比想像中辣但係好惹味，一粒接一粒好快就食晒，呢個無令我失望😋-🥟尼泊爾毛毛餃開頭以為尼泊爾嘅餃子食落感覺會同水餃好唔同，以為會擺埋好多香料係餃子入面（？）原來都係好似水餃咁，不過配埋個醬辣辣地又幾好食，諗唔到可以點形容但係有驚喜，一樣無失望😋-總結：小食有驚喜，不過兩個人食完都唔太飽，撇除價錢因素可以考慮encore。