慢煮工業 (已結業)

今次用訂座apps，同朋友黎到太子呢間以慢煮菜式做主打既餐廳食晚餐 (9折)，其實餐廳位置唔算就腳，需要揾一段路先到。不過，粉紅色門口加上搶眼既霓虹燈招牌，於呢條平平無奇既街道上確實易認。餐廳樓高兩層，裝潢就如其名，慢煮工業當然係行工業風，水泥牆，牆身掛上多幅特色畫，設計有心思；另外，當你揀好心水食物後，就可以出去收銀處落單﹑付費，侍應隨後會送上食物。 兩人用餐：1)    芝士流心蛋大啡菇: 大啡菇上鋪上一片輕輕燒過既芝士，切開大啡菇時，蛋汁即時流出，幾美味！2)    蒜香芝士排包（小份）：佈滿芝士既排包烤得香濃脆口，芝味十足，好邪惡，係有驚喜！3)    慢煮菲力牛扒＋牛油蝦仁：牛扒使用慢煮既方式烹調，肉質比較有口感，但不是我的菜，而且牛扒份量好小；另外，牛油蝦仁非常油膩，蝦仁陣陣雪藏味，加錢的話絕不推介！4)    慢煮西冷牛扒＋蟹肉蘆筍：雖則牛扒係慢煮形式，唔夠即煎牛扒咁熱辣辣，但溫度始終差少少，近來天氣凍，上枱10分鐘肉汁已經開始凝固，影響口感！最後食滿$450，餐廳送左經典刀仔一套，小巧趣緻，可以收藏一下。