阿叔泰麵 (西菁街) (已結業)

約咗朋友去圍方睇戲，睇戲之前食餐lunch。早到咗見冇乜人，就過去坤記食碟腸粉先。誰不知轉個頭返嚟就爆咗半場。我幾鍾意吧枱個設計，好有度假feel。每人嗌咗一碗船麵再加兩個小食。朋友嗌豬肉，我嗌牛肉。上面好快就上菜，呷一啖湯。同我喺泰國食嘅船麵有少少差別，呢度係有少少偏甜嘅牛丸都幾彈牙，不過啲牛腩就有少少失望。食落去冇味好似滾湯牛腩咁。反而個馬拉盞通菜幾有驚喜，都算幾有鑊氣。雞翼翼醃得好好食到有底味再加呢個香茅嘅味道。個人比較鍾意食小食多過食船麵。有機會試埋佢個晚市睇吓有冇啲額外驚喜。