沁沁麫 (已結業)

最後一日喺北角做嘢，一早計劃了收工後去西灣河一間餐廳去食好嘢，原因是早前去過呢間餐廳覺得好好味，但由於上次去已經食咗嘢在先，未能試佢個招牌臘味飯，所以今日一收工便立即由北角去西灣河，呢間好味道又抵食的餐廳就係沁沁麪👍🏻8點3到達，一坐低便立即間店員:仲有無沁沁飯？(因為知道佢哋個臘味飯出名，經常賣晒)，店員說今晚已經賣晒💥我心情仿如晴天霹靂😭然後在他的餐牌揀了叻沙辣湯麵配金菇肥牛。麵送到上來，賣相都不差，試一啖湯底，味道十分分濃郁，辣度輕微配上香料味道十分匹配，再用以配上拉麵，是十分好配搭，最值得一讚是肥牛，沒有肥肉但又十分鮮嫩，一啲都唔勒，整體成碗麵都好好食，十分滿意。唯一美中不足的是始終未能食到我最想食的沁沁飯，唯有等下一次吧！