真台客 (已結業)

喺路德圍附近掃街，見到平時排長龍嘅真台客唔洗等位，即刻入嚟試試先。台式起司蛋餅$36 食唔落正餐所以嗌咗兩樣小食，熱辣辣嘅蛋餅再加埋芝士無得輸！仲有玉米、鮪魚、肉鬆比你加，每加一樣加$5。諗起喺台灣每朝朝早都要落街買份早餐，係想念嘅味道啊～蚵仔煎$42 材料同台灣大同小異，但同台灣本地嘅蚵仔煎相差都幾遠，啲粉漿太多，不過唔難食嘅都清晒。仲有免費嘅冬瓜茶同熱紅茶提供，希望可以快啲去到台灣食真正嘅台灣味啦！