La Cobi Restaurant & Tapas (已結業)

Open 朋友吹雞約飯局，一收到餐廳地址，見喺灣仔以為實方便易揾啦，點知望住個地圖揾左好耐都未揾到，最後要問啲街坊再行多一個圈先去到。係就難揾左啲，但食物水準確係唔錯，呢間係專食西班牙菜，48個月嘅火腿係正，食左兩碟都唔記得影相，個人覺得脂肪多啲會好食啲。話就話飯局，但成班人不停係咁飲酒同食小食，就算係主菜都係細細碟，但係不停咁上菜，估佢唔到就冇飯食落肚都可以食得飽。當中推介係燒乳豬，勁嫩口又唔肥，配上清新嘅雪梨醬，我一個人可以食哂一碟（因為一碟只得4舊😅）。P.S. 雖然，係一間西班牙餐廳，但signature嘅「西班牙海鮮飯」，飯面嘅海鮮如果多翻啲就會有更多驚喜。