銀座梅林 (已結業)

今日老板放左假我同幾個同事專程過海去尖沙咀食個 lunch ！對於係中環返工既我真係冇乜幾何。尖沙咀既午餐真係又好食又抵食！搞到我都好想搵份係尖沙咀返既工我地三個同事一人叫左一份午餐炸雞扒住連魚生都食埋都係＄100到一個人仲要坐得舒服，服務又OK，最緊要係一D都唔洗同人迫！講返食野，我留意到佢係門口有個牌話佢地係用日本米、仲係新鮮既日本米。究竟有乜咁巴閉就真係食完就即刻知。食落真係同我係City Super買二百幾蚊一袋仔既米冇乜分別。白飯仲係任裝對於我依D肥婆來講真係冇得頂！炸豬扒同炸雞扒都係就得岩岩好有肉汁又夠香口、冇得彈。蒸蛋有少少行貨但係以午餐來講都已經好唔錯！個湯都幾好飲最衰冇得任添！個魚生飯就貴左少少啦！雖然魚生質素非常唔錯，但係分量就少左D啦！有乜理由去炸豬扒舖食魚生咖，仲要貴過豬扒餐一半有多，我位朋友就係咁笨！