越前海鮮俱樂部 (已結業)

Sogo 地庫新開左d 小食店，食完晚飯去打個白鴿轉，超多人！呢間叫「越前海鮮俱樂部」的，係日本以外的第一家海外店，賣壓扁了的「海鮮煎餅」，就像在街邊聞到好香好香果種魷魚乾！擺到成個山咁既海鮮煎餅，好吸引！呢d 都係魷魚，一包包咁賣，計重量的，有醬油和山葵味，最少係買$60 有50g。另外有單賣一片片的，分別係八爪魚脆片（$30）和甜蝦脆片（$33）。其實都幾貴，一片就$30…純粹口痕，買左一包最細既黎食。的確壓得好薄好脆，好香乾魷味。不過一隻仲細過手掌，一包50g 得5-6 塊其實好快就食完，感覺有點不值。每塊$10，都好過每塊$30 的八爪魚和蝦…一試無妨，但應該唔會返轉頭了。