小印度印度及意大利菜餐廳 (已結業)

早陣子收到傳單一張，吸引到我去試試菜。店內風格雖帶點印度風味，但菜式則偏向西化了一點。南瓜湯：南瓜味不算突出，味道稍鹹了少許。凱撒沙律：用料對辦，多加芝士更佳。芝士印度薄餅：即叫即製，口感鬆軟清香，內層又帶有芝士香氣及煙韌口感，幾好食。海鮮意粉：雖叫海鮮意粉，但似蜆肉意粉更多。除蜆肉外，只有少許魚肉及蝦仁，各款海鮮不太吸引。意粉醬汁除茄醬外，亦加入少許蒜蓉以添味道，OK。夏威夷薄餅：薄餅不夠薄脆，普普通通喇！醬燒豬肋骨：五人點了四條但店方免費多送一條，份量頗大。豬肋骨雖肉厚，但又燒得幾腍噃！醬汁濃淡適中，不過酸不過甜。芒果奶昔：果味較為清淡，質感亦偏薄，普通。