Miss Coffee

營業中

休息中

原本諗住住附近嘅朋友食新開嘅台灣店，去到先知冇做下午茶。最後轉戰咖啡店，一路食一路談心事。我叫咗Egg Benedict，二朋友叫All Day。留意返冇Set，所以要飲品就散叫。一上菜唔講以為自己叫咗漢堡飽，差咗冇張上面嗰片麵包放係面。麵包身為Egg Benedict靈魂之一，荷蘭醬落得過份少，只輕輕圍住隻蛋一圈，少到難以評價味道。Egg Benedict得一隻蛋，蛋質素有待改善，冇蛋香。更重要係欠缺留心效果，難得流出嘅蛋汁都比生菜兜住，個包係完全接觸唔到蛋汁。煙三文魚份量正常，冇乜煙熏味但有魚油。油份拯救咗部分包，增加味道，同埋成個包冇咁乾爭爭。食完過咗一排，個口都幾腥。Egg Benedict有一片超級厚嘅蕃茄，令我覺得好似漢堡包。交可取嘅係有幾條薯條，上面蜜糖，甜甜地。對於整個Egg Benedict失望，希望小店可以繼續努力。