影片
更多
2021-09-28
116 瀏覽
今日book咗食tea set，行入鋪頭範圍就有唔少不同風格嘅打卡佈置，行到去最入就係餐廳範圍，裝修一樣好靚，三面落地玻璃景緻開揚，今日好彩天氣好好一入座首先每位會送上一杯香檳，下午茶時段只供應一款tea set，所以入嚟都唔使order，只需要選擇套餐配咩飲品，點配花茶係原個茶壺上桌，配上一套同花式茶具，好有英式下午茶嘅感覺臨近中秋，呢度tea set menu都添加中秋氣氛，三層架最頂層係一個迷你白蓮蓉蛋黃月餅，同埋其他甜點。第二第三層就係鹹食，另外會配上一份鮮忌廉同果醬配鬆餅。我習慣先食鹹食，甜品放到最尾。蜜桃龍蝦沙律奶油多士雖然係冷盤，龍蝦味都幾鮮甜，可惜多士軟身。松葉蟹沙律墨西哥薄餅都食到絲絲蟹肉，墨西哥薄餅無俾沙律醬影響，唔怕咬開會散。煙三文魚酸忌廉撻配鱘龍魚子，煙三文魚鹹香唔腥，但配酸忌廉味道太濃，完全食唔到魚子味。另外三款鹹食可以無限添食，職員會推手推車，有需要就可以叫佢添加。芝士焗烤雞肉鬆餅，酥皮夠酥脆，等佢添食時段，剛剛返熱出嚟更加好食。芝士咖哩雜菜批都唔錯，批底夠鬆脆，咖哩味唔會太搶，大蝦山葵沙律醬多士就冇乜特別。英式鬆餅夠鬆化，塗上鮮忌廉或者果醬一樣夾。鮮檸檬撻
一入座首先每位會送上一杯香檳，下午茶時段只供應一款tea set，所以入嚟都唔使order，只需要選擇套餐配咩飲品，點配花茶係原個茶壺上桌，配上一套同花式茶具，好有英式下午茶嘅感覺
臨近中秋，呢度tea set menu都添加中秋氣氛，三層架最頂層係一個迷你白蓮蓉蛋黃月餅，同埋其他甜點。第二第三層就係鹹食，另外會配上一份鮮忌廉同果醬配鬆餅。
我習慣先食鹹食，甜品放到最尾。蜜桃龍蝦沙律奶油多士雖然係冷盤，龍蝦味都幾鮮甜，可惜多士軟身。松葉蟹沙律墨西哥薄餅都食到絲絲蟹肉，墨西哥薄餅無俾沙律醬影響，唔怕咬開會散。煙三文魚酸忌廉撻配鱘龍魚子，煙三文魚鹹香唔腥，但配酸忌廉味道太濃，完全食唔到魚子味。
另外三款鹹食可以無限添食，職員會推手推車，有需要就可以叫佢添加。芝士焗烤雞肉鬆餅，酥皮夠酥脆，等佢添食時段，剛剛返熱出嚟更加好食。芝士咖哩雜菜批都唔錯，批底夠鬆脆，咖哩味唔會太搶，大蝦山葵沙律醬多士就冇乜特別。
英式鬆餅夠鬆化，塗上鮮忌廉或者果醬一樣夾。鮮檸檬撻檸檬味好清新，撻皮一樣鬆脆。柚子芝士蛋糕係蛋糕上面有一點柚子醬，柚子醬酸酸甜甜，芝士蛋糕芝士味重，偏甜，雖然三款都係無限添加，但芝士蛋糕一件都夠。
宇治抹茶味蛋糕抹茶味香濃，冧酒朱古力軟心星球賣相可愛，但係食唔到冧酒味，朱古力同軟心效果就有，而且底有薄脆。
雖然用餐時間限時兩個鐘，但可以食完之後再先再出去走廊範圍影相，職員全部都會友善配合㗎
張貼
