Dazzling Cafe (皇室堡) (已結業)

dazzling cafe 粉紅主題叫人深刻，尤其甜品toast 系列，一直主打。同家姐訂了6時半吃一頓甜品晚餐，尋找少女心。第一次到銅鑼灣分店，寬闊之餘，氣氛舒暢。靠落地大玻璃一邊坐下，很滿意啊。因為賣相，所以點了夏季限定沙冰的Pop Pop (Pretzels Popcorn Cookies Ice Cream Milk) 。厚忌廉上鋪滿蝴蝶酥、曲奇和脆脆粒。貫穿雪糕忌廉以下，拌勻便是朱古力奶。飲下帶雪糕滑膩，但是頗甜。一邊吃下脆脆，一邊朱古力，整體味道不錯。熱飲系列唔多，叫左杯海鹽焦糖歐蕾，海鹽焦糖盡溶於牛奶，暖和入口，配搭cracker，非常好味。滿心期待太妃糖香蕉布里歐，較吐司口感實淨的法國麵包，外皮酥脆，沾滿牛油香味糖粒，切下層層酥皮，口感極有層次。面層塗上一層厚厚忌廉，整體看上更柔軟。旁邊焦糖香蕉，一如以往好味。稍微沾上忌廉入口，更細緻滑溜。另外，少不了的Waffe鬆餅，特意選了綿綿珍珠奶茶鬆餅加麻糬餡。畢竟同行的是珍奶鐵粉呢。窩夫中間是珍奶雪糕，香滑奶茶味濃，不頹貨。一口份量的窩夫水滴，每件都有珍奶忌廉和一粒珍珠。外脆內軟，加上麻糬的煙韌，口感豐富。沒令珍奶控失望。