T-Parc (已結業)

黑糖熱潮減退，但飲品潮繼續，飲品店開到好似便利店咁，梗有一間喺左近，雖然我地都係飲料控，但都唔會再追住黎飲，根本追唔切嘛。中環半山電梯附近呢間T-Parc喺遠處已經望到，門面亮眼，透過玻璃隱約見到店內。裝潢以花、草為主題，原來係間本地茶飲店。店內有少量空間供客人即場飲用，光猛企理，可見沖泡過程。餐牌選擇多，分奶蓋茶、奶茶、果茶、蘇打、原茶，定價$20-36。部分飲料固定甜度、冰度，帶他可以自選。配料有芝士奶蓋、珍珠。飲料賣相都幾靚，特別係添加花花嘅款式，一路諗我都好掙扎，想點水果茶、又想點奶蓋茶。T-parc花花蘇打 $34見到店員好認真好細心咁「佈置」杯花花蘇打，賣相好少女心，就好似一杯無酒精嘅cocktail。面頭有玫瑰花、桂花、茉莉花、薄荷葉、迷迭香等，加上藍莓、切片蘋果，聞到好重花果香，加上蘇打、細碎冰塊製作，飲用前先攪拌，味道熟口熟面，都係甜甜地嘅梳打味，固定甜度。以花味為主嘅飲料好蝦人飲，如果唔鐘意花味，可能會覺得好藥水，呢杯都冇大問題香蕉可可 $30簡單嘅香蕉朱古力，不死配搭，朱古力味中庸，唔會膩，不過可能呢條蕉唔係好熟好熟，覺得唔夠香，可能我鐘意甜野啦，哈。